Whit if Thaur Wis a Scottish Enlightenment Nicht Oot
It a stairtit in the Rat an Monkey
whan Tam Reid telt Davy Hume
tae hae sim common sense
an he went daft
cos auld Davy theenks
since a knowledge is empirical,
its possible, no likely mind ye,
no to have ony.
Adam said if thaur wis an example
o someyin hivin nae common sense
Tam wis it- look at yon fucking stupit
hat he wis wearin
in this blowsy weather,
like an auld pair odf drawers
crossit wi a fucking tea cosy.
Dugald pipes up tryin
tae breeng saucht
but they a shout him doon.
Naebody fuckin remembers
a fuckin word ye scrieve
quoth Jim Hutton,
yer anely weel kent cos o us,
am seek o ye hingin aboot wi us onyweys
this is a Select Club,
next hing we'll hae wummen in it
and they stapit fir a meenit tae laugh at that
thocht, but then stairt again
an then they a get chucked oot o the pub
an stairt rollin heester gowdie doon the road
kickin fuck oot o each ither
till the French Revolution.
